Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. quas datur. audentem primi spernuntque foventque.
  2. mox omnes agit et motis quatit oppida linguis.[*](linguis M, linquis V )
  3. talem diva sibi scelerisque dolique ministram
  4. quaerit avens. videt illa prior, iamque advolat ultro
  5. impatiens, iamque ora parat, iam suscitat aures.
  6. bane superincendit Venus atque his vocibus implet:
  7. 'vade age et aequoream, virgo, delabere Lemnon
  8. et cunctas mihi verte domos, praecurrere qualis
  9. bella soles, cum mille tubas armataque campis
  10. agmina et innumerum flatus cum fingis[*](fingis M ex corr., fringis V ) equorum.
  11. adfore iam luxu turpique cupidine captos
  12. fare[*](fare Bon. 1, Faue V ) viros carasque toris inducere Thressas.
  13. haec tibi principia, hinc rabidas[*](rabidas VSM, rapidas Thilo ) dolor undique matres
  14. instimulet: mox ipsa adero ducamque paratas.'
  15. Illa abit[*](abit M, dabit V ) et mediam gaudens defertur in urbem
  16. et primam Eurynomen, qua[*](om. C | qua Sudhaus ex V 327, ac V, ad Carrion ) proxima limina Codri,
  17. occupat exesam curis castumque cubile
    18. p.36
  18. servantem: manet illa viro famulasque fatigat
  19. litoribus,[*](litoribus intellego iteratis ad litus itionibus (cf. 283 furtis), velleribus Ald., vulgo ) tardi reputant quae tempora belli
  20. ante torum et longo mulcent insomnia penso.