Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. quocirca struit illa nefas Lemnoque merenti
  2. exitium furiale movet. neque enim alma videri
  3. tantum: eadem tereti[*](tantum: eadem Sudhaus, cf. V 436, Iā tumea cum V | tereti X 2 in marg., M, reti V ) crinem subnectitur auro
  4. sidereos diffusa sinus, eadem effera et ingens
  5. et maculis suffecta genas pinumque sonantem
  6. virginibus Stygiis nigramque simillima pallam.[*](pallam Bon. 2, palmam VC )
    7. p.35
  7. Iamque dies aderat. Thracas qui fuderat armis
  8. dux Lemni, puppes[*](puppes M, puppe V ) tenui contexere canna
  9. ausus et inducto cratem defendere tergo,
  10. laeta maria tum signa refert, plenasque movebant
  11. armentis nuribusque rates. et barbara[*](it barbara Pius; cf. praef. ) vestis
  12. et torques insigne loci. sonat aequore clamor:
  13. 'o patria, o variis coniunx nunc anxia curis,
  14. has[*](Has S, Hos V ) agimus longi famulas tibi praemia belli',
  15. cum dea se piceo per sudum turbida nimbo
  16. praecipitat Famamque vagam vestigat in umbra.[*](umbra M, umbro V )
  17. quam pater omnipotens digna atque indigna[*](habet Par. | Rex superum famam digna Par. ) canentem
  18. spargentemque metus placidis regionibus arcet
  19. aetheris: illa fremens habitat sub nubibus imis,
  20. non erebi, non diva poli, terrasque fatigat