Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. progenies Atlantis agit. lucet[*](lucet SM 2, luget V ) via late
  2. igne dei, donee silvas et amoena piorum
  3. deveniant[*](Deueniant S, Daueniant V, Adueniant M ) camposque, ubi sol totumque per annum
  4. durat aprica dies thiasique chorique[*](chorique XM, chori V ) virorum
  5. carminaque et quorum populis iam nulla cupido.
  6. has pater in sedes aeternaque moenia natum
  7. inducitque nurum. tum porta quanta sinistra
  8. poena docet maneat Pelian, quo limine monstrat.
  9. mirantur tantos strepitus turbamque ruentem
  10. et loca et infernos almae virtutis honores.
p.31
  1. Interea scelerum luctusque ignarus Iason
  2. alta secat; neque enim patrios cognoscere casus
  3. Iuno sinit, mediis ardens ne flectat ab undis
  4. ac temere in Pelian et adhuc obstantia regis
  5. fata ruat placitosque deis ne[*](ne Heinsius, neu V ) deserat actus.
  6. Iamque fretis[*](fretis C, freti V ) summas aequatum Pelion ornos
  7. templaque Tisaeae[*](Tisaeae Ald., pisaeae V ) mergunt obliqua Dianae;
  8. iam Sciathos subsedit aquis, iam longa recessit
  9. Sepias; attollit tondentes pabula Magnes
  10. campus equos: vidisse putant Dolopeia busta