Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. intrantemque Amyron[*](Amyron Maserius (Apoll. Rhod. I 596), myrin V, amyrin C ) curvas quaesita per oras
  2. aequora, flumineo cuius redeuntia vento
  3. vela legunt; remis insurgitur. inde salutant
  4. Eurymenas; recipit velumque fretumque reversus[*](reversus Bon. 1, reuerso V, reuersum C )
  5. auster, et in nubem Minyis repetentibus[*](repentibus V, corr. X 2 M 2 ) altum
  6. Ossa redit. metus ecce deum damnataque bello
  7. Pallene, circumque vident immania monstra
  8. terrigenum caelo quondam adversata gigantum,
  9. quos scopulis trabibusque parens miserata iugisque
  10. induit et versos exstruxit in aethera montes.
    11. p.32
  11. quisque suas in rupe minas pugnamque metusque
  12. servat adhuc; quatit ipse hiemes et torquet ab alto
  13. fulmina crebra pater; scopulis sed maximus illis
  14. horror abest, Sicula pressus tellure Typhoeus.
  15. hunc profugum et sacras revomentem pectore flammas,
  16. ut memorant, prensum ipse comis Neptunus in altum[*](altum S, altu V, alto C )
  17. abstulit implicuitque vadis totiensque cruenta
  18. mole resurgentem torquentemque anguibus undas[*](undas SM, aindas V )
  19. Sicanium dedit usque fretum cumque urbibus Aetnam[*](dedit: cf. Stat. Theb. I 568 | aetnam M, aeternam V )
  20. intulit ora premens. trux ille eiectat adesi[*](adesi X 2 M, adesit V )