Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. 'mitte metus, volat ille mari quantumque propinquat,
  2. iam magis atque magis variis stupet Aea[*](stupet Aea cod. Harlesii, stupe acta V ) deorum
  3. prodigiis quatiuntque truces oracula Colchos.
  4. heu quibus ingreditur fatis, qui gentibus horror
  5. pergit. mox Scythiae spoliis nuribusque superbus
  6. adveniet; cuperem ipse graves tum rumpere terras.
  7. sed tibi triste nefas fraternaque turbidus arma
  8. rex parat et saevos irarum concipit ignes.
  9. quin rapis hine animam et famulos citus effugis[*](hinc etiam V habet | effugis SM, effugit V ) artus?
  10. i, meus es, iam te in lucos pia turba silentum[*](in M, om. V | silentis Sudhaus, ex Verg. Georg. I 476 )
  11. secretisque ciet volitans pater Aeolus arvis.'[*](aruis V, antris C )
  12. Horruits interea famulum clamore supremo
  13. maesta domus, regemque fragor per moenia differt
  14. mille ciere manus et iam dare iussa vocatis.
  15. flagrantes aras vestemque nemusque sacerdos[*](in hiatum terrae vel humi proturbat aram,στολὴνμαγικὴν (Luc. Men. 8), frondem perterrita Alcimede )
  16. praecipitat, subitisque pavens circumspicit Aeson,
  17. quid moveat. quam multa leo cunctatus in arta
  18. mole virum rictuque genas et lumina pressit,
  19. sic curae subiere[*](subiere SM, subiecere V ) ducem, ferrumne capessat
  20. imbelle atque aevi senior gestamina primi