Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- una omnes gaudent superi, venturaque mundo
- tempora aquaeque[*](aquaeque Hertz, quaeque V ) vias cernunt sibi crescere Parcae.
- sed non et Scythici genitor discrimine nati
- intrepidus tales fundit Sol pectore voces:
- 'summie sator, cui nostra dies volventibus annis
- tot peragit reficitque vices, tuane ista voluntas?
- Graiaque nunc undis duce te nutuque secundo
- it ratis? an meritos fas est[*](est VSMN ) mihi rumpere questus?
- hoc metuens et nequa foret manus invida[*](inuida MN, inuita V ) nato,
- non mediae telluris opes, non improba legi
- divitis arva plagae (teneant uberrima Teucer
- et Libys et vestri Pelopis domus): horrida saevo
- quae premis arva gelu strictosque insedimus[*](premis X 2 M, primis V | insedimus Zinzerling, insedibus V ) amnes.
- cederet his etiam et sese sine honore referret
- ulterius, sed nube rigens ac nescia rerum[*](rerum Ald., regum VSMN (cf. 725, Aen. XII 227) )
- stat super et nostros iam zona reverberat[*](nostros X 2, nostris V | reverberat Bon. 1, perueruerat V ) ignes.
- quid regio immanis, quid barbarus amnibus ullis
- Phasis et aversis[*](aversis Barth. aduersis V ) proles mea gentibus obstat?
- quid[*](Quid X 2 M, Quod V ) Minyae meruere queri? num vellere Graio
- vi[*](vi Bon. 1, Ut V ) potitur? profugo quin agmina iungere Phrixo