Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. occupat et longe sua transtra novissimus Idas.
  2. at frater magnos Lynceus servatur[*](servatur Ald., seruatus V ) in usus,
  3. quem tulit Arene, possit qui rumpere terras
  4. et Styga transmisso tacitam deprendere visu.
  5. fluctibus e mediis terras dabit ille magistro
  6. et dabit astra rati, cumque aethera Iuppiter umbra
  7. perdiderit, solus transibit nubila Lynceus.
  8. quin et Cecropiae proles vacat Orithyiae,
    9. p.18
  9. temperet ut tremulos Zetes fraterque ceruchos.
  10. nec vero Odrysius transtris impenditur[*](impenditur X 2 in marg., inpeditur V ) Orpheus
  11. aut pontum remo subigit, sed carmine tonsas
  12. ire docet, summo passim ne gurgite pugnent.
  13. donat et Iphiclo pelagus iuvenumque labores
  14. Aesonides, fessum Phylace quem miserat aevo[*](misera laeuo V, corr. X 2 )
  15. non iam operum in partem, monitus sed tradat ut acres
  16. magnorumque viros qui laudibus urat avorum.
  17. Arge, tuae tibi cura ratis, te moenia doctum
  18. Thespia Palladio dant munere; sors tibi, nequa
  19. parte trahat tacitum puppis mare fissaque fluctu[*](fissaque fluctu N, fessaque luctu V (lucta) C )
  20. vel pice vel molli conducere vulnera cera.