Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- accipit augurium Aesonides laetusque superbi
- tecta petit Peliae. Drior huic tum regia proles
- advolat amplexus fraternaque pectora iungens.
- ductor ait: 'non degeneres, ut reris, Acaste,
- venimus ad questus: socium te iungere coeptis
- est animus; neque enim Telamon aut Canthus[*](canthus et MN, candus et S (V olim, ut vestigia docent), candidus V 2 in ras. scripsisse spondeo ) et Idas
- Tyndareusque puer mihi vellere dignior Helles.
- o quantum terrae, quantum cognoscere caeli
- permissum est, pelagus quantos aperimus in usus.
- nunc forsan grave reris opus; sed laeta recurret
- cum ratis et caram cum iam mihi reddet Iolcon,
- quis pudor heu nostros tibi tune audire labores,
- quam referam visas tua per suspiria gentes.'
- Nec passus rex plura virum: 'sat[*](sat S, stat V ) multa parato
- in quaecumque vocas; nec nos' ait 'optume, segnes
- credideris patriisve magis confidere regnis
- quam tibi, si primos duce te virtutis honoris
- carpere fraternae sedeatque[*](sedeatque N, O 2 in marg. inf., sede X, O ut vid., V ut forma et spatium rasurae docent, sede at X 2, sed et M, eueniet q V 2 in ras., si des Carrion pereleganter, sed cf. I 555. VII 428; corruptela sic orta videtur sede adq; adcr.) adcrescere famae.
- quin ego, nequa metu nimio me cura parentis
- impediat, fallam ignarum subitusque paratis[*](paratis Bon. 1 paratus V )