Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. tunc adero, primas linquet cum puppis harenas.'
  2. dixerat. ille animos promissaque talia laetus
  3. accipit et gressus avidos ad litora vertit.
  4. At ducis imperiis Minyae monituque frequentes
  5. puppem umeris subeunt et tento poplite proni
  6. decurrunt intrantque fretum. non clamor anhelis
  7. nauticus aut blandus testudine defuit Orpheus.
  8. tum laeti statuunt aras. tibi, rector aquarum,
  9. summus honor, tibi caeruleis in litore vittis[*](uittis M, uictis V )
  10. et Zephyris Glaucoque bovem Thetidique iuvencam[*](iuvencam C, iuuencum V )
  11. deicit Ancaeus. non illo certior alter
  12. pinguia[*](Pinguia S V 2, Pingua V ) letifera perfringere colla bipenni.
  13. ipse ter aequoreo libans carchesia patri
  14. sic ait Aesonides: 'o qui spumantia nutu
  15. regna quatis terrasque salo complecteris omnes,
  16. da veniam. scio me cunctis e gentibus[*](cun(c)tis egentibus SM, cuntis (item 213) agentibus V ) unum
  17. inlicitas temptare vias hiememque mereri:[*](merer e V 1 )
  18. sed non sponte feror, nec nunc mihi iungere montes
  19. mens tamen aut summo deposcere fulmen Olympo.
  20. ne Peliae te vota trahant: ille aspera iussa