Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Rhoetus[*](Rh(o)etus SMC, Rboetus V, Rhoecus Parrhasius | atracia O 2 M 2, racia V, t(h)rac(h)ia SM, extracta C ) et Atracia subitae de virgine pugnae.
  2. crateres mensaeque volant araeque deorum
  3. poculaque, insignis veterum labor. optimus hasta
  4. hic Peleus, hic ense[*](Hic P. hic ense V, Hac P., hac parte C ) furens agnoscitur Aeson;
  5. fert gravis invito victorem Nestora tergo
  6. Monychus, ardenti peragit Clanis Actora[*](Actora C Ald., auctora V ) quercu;
  7. nigro Nessus equo fugit, adclinisque tapetis
  8. in mediis[*](in mediis: cf. Ilias Lat. 889 | hippasus X ex corr., M, hispasus V ) vacuo condit caput Hippasus auro.
  9. Haec quamquam miranda viris stupet Aesone natus[*](stupet anxius navigii fragilitatem, cf. 150 sq. | aesone natus SM, aeson atus V, aeson ytaeus V 2 (inter n et y alterum y (?) paene obliteratum apparet))
  10. et[*](Et SM, Haec V 2 in ras., V 1 non legitur ) secum: 'heu miseros nostrum natosque patresque.
  11. haccine nos animae faciles rate nubila contra
  12. mittimur? in solum nunc saeviet Aesona pontus?
  13. non iuvenem in casus eademnque pericula Acastum[*](Non V 1, Nam V 2 | acastum XMV 2, castum V )
    14. p.7
  14. abripiam? invisae Pelias freta tuta carinae
  15. optet et exoret nostris cum matribus undas.'
  16. Talia cunctanti[*](cunctanti Ald., conanti V ) laevum Iovis armiger aethra
  17. advenit et validis fixam erigit[*](erigit ON, er git X, ergit QII, rapit X et P in marg., git V et perspicue M, uegit V 2, gerit M 2 C ) unguibus agnam.
  18. at procul e stabulis trepidi clamore sequuntur
  19. pastores fremitusque canum; citus occupat auras
  20. raptor et Aegaei super effugit alta profundi.