Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. fervere cuncta virum coetu, simul undique cernit
  2. delatum nemus et docta resonare bipenni
  3. litora; iam pinus gracili dissolvere lamna
  4. Thespiaden iungique[*](iungitque V, t erasum in P ) latus lentoque sequaces
  5. molliri videt igne trabes, remisque paratis
  6. Pallada velifero quaerentem bracchia malo.
  7. constitit ut longo moles non pervia ponto
  8. puppis, et ut tenues subiere latentia cerae
  9. lumina, picturae varios superaddit honores.
  10. hic sperata ...[*](hic spe V, hic spectes etenim V 2, hic sperata SM, sperata diu Baehrens, fort. sperata deo vel Iovi (cf. 133), hic insperato P 2 C ) Tyrrheni tergore piscis
    11. p.6
  11. Peleos in thalamos vehitur Thetis; aequora delphin
  12. corripit, illa sedet[*](Corripit sedet V, Corripuit residet V 2, ipsa interposuit Baehrens, illa Carrion (incertum, an ex C) | Achillen Thilo, achille V, achillem V 2 PM ) deiecta in lumina palla
  13. nec love maiorem nasci suspirat Achillen.
  14. hanc Panope Dotoque soror laetataque fluctu
  15. prosequitur nitidis[*](nitidis Wyttenbach, nudis V ) pariter Galatea lacertis
  16. alta[*](alta Loehbach, antra V ) petens: Siculo revocat de litore Cyclops.
  17. contra ignis viridique[*](uiridisque V 2 ) torus de fronde dapesque
  18. vinaque et aequoreos inter cum coniuge divos
  19. Aeacides, pulsatque chelyn post pocula Chiron.
  20. parte alia Pholoe multoque insanus Iaccho