Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. ille manu raptum trepida torquebat in hostem
  2. altior insurgens et cursu concitus heros.
  3. Sed neque currentem se nec cognoscit euntem
  4. tollentemve manus saxumve immane moventem;
  5. genua labant, gelidus concrevit frigore sanguis.
  6. Tum lapis ipse viri, vacuum per inane volutus,
  7. nec spatium evasit totum neque pertulit ictum.
  8. Ac velut in somnis, oculos ubi languida pressit
  9. nocte quies, nequiquam avidos extendere cursus
  10. velle videmur et in mediis conatibus aegri
  11. succidimus, non lingua valet, non corpore notae
  12. sufficiunt vires, nec vox aut verba sequuntur:
  13. sic Turno, quacumque viam virtute petivit,
  14. successum dea dira negat. Tum pectore sensus
  15. vertuntur varii. Rutulos aspectat et urbem
  16. cunctaturque metu letumque instare tremescit;
  17. nec quo se eripiat, nec qua vi tendat in hostem,
  18. nec currus usquam videt aurigamve sororem.
  19. Cunctanti telum Aeneas fatale coruscat,
  20. sortitus fortunam oculis, et corpore toto