Aeneid

Virgil

Vergil. The Bucolics, Aeneid, and Georgics Of Virgil. Greenough, J.B., editor. Boston: Ginn and Company, 1881.

  1. imam inter galeam summi thoracis et oras
  2. abstulit ense caput truncumque reliquit harenae.
  3. Atque ea dum campis victor dat funera Turnus,
  4. interea Aenean Mnestheus et fidus Achates
  5. Ascaniusque comes castris statuere cruentum,
  6. alternos longa nitentem cuspide gressus.
  7. Saevit et infracta luctatur arundine telum
  8. eripere auxilioque viam, quae proxima, poscit
  9. ense secent lato vulnus telique latebram
  10. rescindant penitus seseque in bella remittant.
  11. Iamque aderat Phoebo ante alios dilectus Iapyx
  12. Iasides, acri quondam cui captus amore
  13. ipse suas artes, sua munera, laetus Apollo
  14. augurium citharamque dabat celerisque sagittas.
  15. Ille ut depositi proferret fata parentis,
  16. scire potestates herbarum usumque medendi
  17. maluit et mutas agitare inglorius artes.
  18. Stabat acerba fremens, ingentem nixus in hastam
  19. Aeneas magno iuvenum et maerentis Iuli
  20. concursu, lacrimis immobilis. Ille retorto