Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. tu non Antimacho, non tutior ibis Homero:
  2. despicit et magnos recta puella deos.
  3. sed non ante gravis taurus succumbit aratro,
  4. cornua quam validis haeserit in laqueis,
  5. nec tu iam duros per te patieris amores:
  6. trux tamen a nobis ante domandus eris.
  7. harum nulla solet rationem quaerere mundi,
  8. nec cur fraternis Luna laboret equis,
  9. nec si post Stygias aliquid restabit erumpnas,
  10. nec si consulto fulmina missa tonent.