Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. atque etiam ut Phrygio fallax Maeandria campo
  2. errat et ipsa suas decipit unda vias,
  3. qualis et Adrasti fuerit vocalis Arion,
  4. tristis ad Archemori funera victor equus:
  5. non Amphiareae prosint tibi fata quadrigae
  6. aut Capanei magno grata ruina Iovi.
  7. desine et Aeschyleo componere verba coturno,
  8. desine, et ad mollis membra resolve choros.
  9. incipe iam angusto versus includere torno,
  10. inque tuos ignis, dure poeta, veni.