Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. aspice me, cui parva domi fortuna relicta est
  2. nullus et antiquo Marte triumphus avi,
  3. ut regnem mixtas inter conviva puellas
  4. hoc ego, quo tibi nunc elevor, ingenio!
  5. me iuvet hesternis positum languere corollis,
  6. quem tetigit iactu certus ad ossa deus.
  7. Actia Vergilium custodis litora Phoebi,
  8. Caesaris et fortis dicere posse ratis,
  9. qui nunc Aeneae Troiani suscitat arma
  10. iactaque Lavinis moenia litoribus.