Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. polluit ille deus cognatos, solvit amicos,
  2. et bene concordis tristia ad arma vocat.
  3. hospes in hospitium Menelao venit adulter:
  4. Colchis et ignotum nonne secuta virum est?
  5. Lynceu, tune meam potuisti, perfide, curam
  6. tangere? nonne tuae tum cecidere manus?
  7. quid si non constans illa et tam certa fuisset?
  8. posses in tanto vivere flagitio?
  9. tu mihi vel ferro pectus vel perde veneno:
  10. a domina tantum te modo tolle mea.