Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- largius effuso madeat tibi mensa Falerno,
- spumet et aurato mollius in calice.
- nulla tamen lecto recipit se sola libenter:
- est quiddam, quod vos quaerere cogat Amor.
- semper in absentis felicior aestus amantis:
- elevat assiduos copia longa viros.
- CVR quisquam faciem dominae iam credat Amori?
- sic erepta mihi paene puella mea est.
- expertus dico, nemo est in amore fidelis:
- formosam raro non sibi quisque petit.