Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. aspice uti caelo modo sol modo luna ministret:
  2. sic etiam nobis una puella parum est.
  3. altera me cupidis teneat foveatque lacertis,
  4. altera si quando non sinit esse locum;
  5. aut si forte irata meo sit facta ministro,
  6. ut sciat esse aliam, quae velit esse mea!
  7. nam melius duo defendunt retinacula navim,
  8. tutius et geminos anxia mater alit.