Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. aut si es dura, nega: sin es non dura, venito!
  2. quid iuvat haec nullo ponere verba loco?
  3. hic unus dolor est ex omnibus acer amanti,
  4. speranti subito si qua venire negat.
  5. quanta illum toto versant suspiria lecto,
  6. cum recipi, quae non venerit, ipsa vetat?
  7. et rursus puerum quaerendo audita fatigat,
  8. quem, quae scire timet, quaerere fata iubet.