Elegiae
Propertius, Sextus
Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.
- nec tamen idcirco languens ad fulmina venit:
- nullus amor vires eripit ipse suas.
- quid? cum e complexu Briseidos iret Achilles,
- num fugere minus Thessala tela Phryges?
- quid? ferus Andromachae lecto cum surgeret Hector?
- bella Mycenaeae non timuere rates?
- ille vel hic classis poterant vel perdere muros:
- hic ego Pelides, hic ferus Hector ego.