Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. Non ego nunc tristis vereor, mea Cynthia, Manes,
  2. nec moror extremo debita fata rogo;
  3. sed ne forte tuo careat mihi funus amore,
  4. hic timor est ipsis durior exsequiis.
  5. non adeo leviter nostris puer haesit ocellis,
  6. ut meus oblito pulvis amore vacet.
  7. illic Phylacides iucundae coniugis heros
  8. non potuit caecis immemor esse locis,
  9. sed cupidus falsis attingere gaudia palmis
  10. Thessalis antiquam venerat umbra domum.
  11. illic quidquid ero, semper tua dicar imago:
  12. traicit et fati litora magnus amor.