Elegiae

Propertius, Sextus

Propertius. Sex. Propertii Elegiae. Müller, Lucian, 1836-1898, editor. Leipzig: Teubner, 1898.

  1. illic formosae veniant chorus heroinae,
  2. quas dedit Argivis Dardana praeda viris:
  3. quarum nulla tua fuerit mihi, Cynthia, forma
  4. gratior et (Tellus hoc ita iusta sinat)
  5. quamvis te longae remorentur fata senectae,
  6. cara tamen lacrimis ossa futura meis.
  7. quae tu viva mea possis sentire favilla!
  8. tum mihi non ullo mors sit amara loco.
  9. quam vereor, ne te contempto, Cynthia, busto
  10. abstrahat a nostro pulvere iniquus Amor,
  11. cogat et invitam lacrimas siccare cadentis!
  12. flectitur assiduis certa puella minis.