De Rerum Natura
Lucretius
-
- multa foramina cum variis sint reddita rebus,
- dissimili inter se natura praedita debent
- esse et habere suam naturam quaeque viasque.
- quippe etenim varii sensus animantibus insunt,
- quorum quisque suam proprie rem percipit in se;
- nam penetrare alio sonitus alioque saporem
- cernimus e sucis, alio nidoris odores.
- scilicet id fieri cogit natura viarum
- multimodis varians, ut paulo ostendimus ante.
- praeterea manare aliud per saxa videtur,
- atque aliud lignis, aliud transire per aurum,
- argentoque foras aliud vitroque meare;
- nam fluere hac species, illac calor ire videtur,
- atque aliis aliud citius transmittere eadem.
- scilicet id fieri cogit natura viarum
- multimodis varians, ut paulo ostendimus ante,
- propter dissimilem naturam textaque rerum.
- Qua propter, bene ubi haec confirmata atque locata
- omnia constiterint nobis praeposta parata,
- quod super est, facile hinc ratio reddetur et omnis