Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- Chommoda dicebat, si quando commode vellet
- dicere, et insidias Arrius hinsidias,
- et tum mirifice sperabat se esse locutum
- cum quantum poterat dixerat hinsidias.
- credo, sic mater, sic liber avunculus eius,
- sic maternus avus dixerat atque avia
- hoc misso in Syriam requierant omnibus aures:
- audibant eadem haec leniter et leviter,
- nec sibi postilla metuebant talia verba,
- cum subito adfertur nuntius horribilis
- Ionios fluctus, postquam illuc Arrius isset,
- iam non Ionios esse, sed Hionios.