Adelphi

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Nunc mihi auscultandi. Pisces ex sententia
  2. Nactus sum: hi mihi ne corrumpantur cautio est:
  3. Nam id nobis tam flagitium est quam illa, Demea,
  4. Non facere vobis quae modo dixti: et, quod queo,
  5. Conservis ad eundem istunc praecipio modum:
  6. "(Hoc salsum est; hoc adustum est; hoc lautum est parum,
  7. Illud recte: iterum sic memento:" sedulo
  8. Moneo quae possum pro mea sapientia.
  9. Postremo tanquam in speculum in patinas, Demea,
  10. Inspicere iubeo, et moneo quid facto usus siet.
  11. Inepta haec esse nos quae facimus sentio:
  12. Verum quid facias? ut homo est, ita morem geras.
  13. Numquid vis?
De.
  1. Mentem vobis meliorem dari.
Sy.
  1. Tu rus hinc abis?
De.
  1. Recta.
Sy.
  1. Nam quid tu hic agas,
  2. Ubi si quid bene praecipias nemo obtemperet?
De.
  1. Ego vero hinc abeo, quando is quamobrem huc veneram
  2. Rus abiit: illum curo unum: ille ad me attinet.
  3. Quando ita vult frater, de istoc ipse viderit.
  4. Sed quis illic est procul quem video? estne hic Hegio,
  5. Tribulis noster? si satis cerno, is hercle est: vah,