Hecyra

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Nam alias ut omittam miserias, unam hanc vide:
  2. Dies triginta aut plus eo in navi fui,
  3. Cum interea semper mortem exspectabam miser;
  4. Ita usque adversa tempestate usi sumus.
Par.
  1. Odiosum.
So.
  1. Haud clam me est: denique hercle aufugerim
  2. Potius quam redeam, si eo mihi redeundum siet.
Par.
  1. Olim quidem te causae impellebant leves
  2. Quod nunc minitare facere ut faceres, Sosia.
  3. Sed Pamphilum ipsum video stare ante ostium.
  4. Ite intro: ego hunc adibo si quid me velit.
  5. Here, etiam tu hic stas?
Pam.
  1. Et quidem te exspecto.
Par.
  1. Quid est?
Pam.
  1. In arcem transcurso opus est.
Par.
  1. Cui homini?
Pam.
  1. Tibi.
Par.
  1. In arcem? quid eo?
Pam.
  1. Callidemidem hospitem
  2. Myconium, qui mecum una advectus est, conveni.
Par.
  1. Perii! vovisse hunc dicam, si salvus domum
  2. Redisset unquam, ut me ambulando rumperet.
Pam.
  1. Quid cessas?
Par.
  1. Quid vis dicam? an conveniam modo?
Pam.
  1. Immo, quod constitui me hodie conventurum eum
  2. Non posse; ne me frustra illic exspectet: vola.
Par.
  1. At non novi hominis faciem.