Heautontimorumenos

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Translata amoris.
Ch.
  1. Quid tum?
Sy.
  1. Quia videbitur
  2. Magis verisimile id esse, quum hic illi dabit:
  3. Simul et conficiam facilius ego, quod volo.
  4. Ipse adeo adest: abi, effer argentum.
Ch.
  1. Effero.
CLITIPHO. SYRUS.
Cl.
  1. Nulla est tam facilis res quin difficilis siet,
  2. Quam invitus facias. Vel me haec deambulatio,
  3. Quam non laboriosa, ad languorem dedit.
  4. Nec quicquam magis nunc metuo quam ne denuo
  5. Miser aliquo extrudar hinc, ne accedam ad Bacchidem.
  6. Ut te quidem omnes Dii Deaeque, quantum est, Syre,
  7. Cum tuo istoc invento, cumque incepto perduint.
  8. Huiusmodi res semper comminiscere,
  9. Ubi me excarnifices.
Sy.
  1. I tu hinc quo dignus es.
  2. Quam pene tua me perdidit protervitas !
Cl.
  1. Vellem hercle factum: ita meritus es.
Sy.
  1. Meritus? quomodo?
  2. Nae me istuc ex te prius audivisse gaudeo
  3. Quam argentum haberes, quod daturus iam fui.
Cl.
  1. Quid igitur dicam tibi vis? abiisti, mihi
  2. Amicam adduxti, quam non liceat tangere.
Sy.
  1. Iam non sum iratus: sed scin ubi nunc sit tibi