Heautontimorumenos

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Recte sane.
Ch.
  1. Syre, pudet me.
Sy.
  1. Credo; neque id iniuria.
  2. Quin mihi molestum est.
Cl.
  1. Pergis hercle?
Sy.
  1. Verum dico quod videtur.
Cl.
  1. Non accedam ad illos?
Ch.
  1. Eho quaeso, una accedendi via est?
Sy.
  1. Actum est: hic prius se indicarit quam ego argentum effecero.
  2. Chreme, vin tu homini stulto mihi auscultare?
Ch.
  1. Quid faciam?
Sy.
  1. Iube hunc
  2. Abire hinc aliquo.
Cl.
  1. Quo hinc abeam ego?
Sy.
  1. Quo? quo libet: da illis locum.
  2. Abi deambulatum.
Cl.
  1. Deambulatum quo?
Sy.
  1. Vah! quasi desit locus.
  2. Abi sane istac, istorsum, quo vis.
Ch.
  1. Recte dicit: censeo.
Cl.
  1. Di te eradicent, Syre, qui me hinc extrudis.
Sy.
  1. At
  2. Tu pol tibi istas posthac comprimito manus.
  3. Censen vero? quid illum porro credis facturum, Chreme,
  4. Nisi eum, quantum tibi opis Di dant, servas, castigas, mones?
Ch.
  1. Ego istuc curabo.
Sy.
  1. Atqui nunc, here, hic tibi asservandus est.
Ch.
  1. Fiet.
Sy.
  1. Si sapias: nam mihi iam minus minusque obtemperat.
Ch.
  1. Quid tu? ecquid de illo quod dudum tecum egi egisti, Syre? aut
  2. Repperisti, tibi quod placeat? an nondum etiam?
Sy.
  1. De fallacia
  2. Dicis? st! inveni nuper quandam.
Ch.
  1. Frugi es: cedo, quid est?
Sy.
  1. Dicam: verum, ut aliud ex alio incidit.
Ch.
  1. Quidnam, Syre?
Sy.
  1. Pessima haec est meretrix.
Ch.
  1. Ita videtur.
Sy.
  1. Immo si scias.
  2. Vah, vide, quod inceptet facinus. Fuit quaedam anus Corinthia