Miles Gloriosus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Edepol memoria es optuma.
Art.
  1. Offae monent.
Pyrg.
  1. Dum tale facies quale adhuc, assiduo edes,
  2. communicabo semper te mensa mea.
Art.
  1. Quid ín Cappadocia, ubi tu quingentos simul,
  2. ni hebes machaera foret, uno ictu occideras?
Pyrg.
  1. At peditastelli quia erant, sivi viverent.
Art.
  1. Quid tibi ego dicam, quód omnes mortales sciunt,
  2. Pyrgopolynicem te unum in terra vivere
  3. virtute et forma et factis invictissumum?
  4. amant ted omnes mulieres, neque iniuria,
  5. qui sis tam pulcher; vel illae quae here pallio
  6. me reprehenderunt.
Pyrg.
  1. Quid eae dixerunt tibi?
Art.
  1. Rogitabant: hicine Achilles est? inquit mihi.
  2. immo eius frater inquam est. ibi illarum altera
  3. ergo mecastor pulcher est inquit mihi
  4. “et liberalis. vide caesaries quam decet.
  5. ne illae sunt fortunatae quae cum isto cubant.”
Pyrg.
  1. Itane aibant tandem?