Captivi

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. copia est † ea facitis nos compotes.
Phil.
  1. Sécede huc núnciam, sí videtúr, procul,
  2. ne arbitri dicta nostra arbitrari queant
  3. neu permanet palam haec nostra fallacia.
  4. nam doli non doli sunt, nisi astu colas,
  5. sed malum maxumum, si id palam provenit.
  6. nam sí erus mihi es tu átque ego me túom esse servom assímulo,
  7. tamen víso opust, cauto est opus, ut hoc sóbrie sineque árbitris
  8. accúrate agátur, docte ét diligénter;
  9. tanta íncepta rés est: haud sómniculóse hoc
  10. agéndum est.
Tynd.
  1. Ero út me volés esse.
Phil.
  1. Spéro.
Tynd.
  1. Nam tú nunc vidés pro tuó caro cápite
  2. carum ófferre mé meum capút vilitáti.
Phil.
  1. Scio.
Tynd.
  1. At scíre memento, quándo id quód voles habébis;
  2. nam fére maxima pars mórem hunc hominés habent: quod síbi volunt,
  3. dum id ímpetrant, boní sunt;
  4. sed íd ubi iam penes sése habent,