Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. postquam perspexi salva esse intus omnia.
  2. redi núnciam intro atque intus serva.
Staph.
  1. Quippini?
  2. ego intus servem? an ne quis aedes auferat?
  3. nam hic apud nos nihil est aliud quaesti furibus,
  4. ita inaniis sunt oppletae atque araneis.
Evcl.
  1. Mirum quin tua me causa faciat Iuppiter
  2. Philippum regem aut Dareum, trivenefica.
  3. araneas mihi ego illas servari volo.
  4. pauper sum; fateor, patior; quod di dant fero.