Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. decies die uno saepe extrudit aedibus.
  2. nescio pol quae illunc hominem intemperiae tenent:
  3. pervigilat noctes totas, tum autem interdius
  4. quasi claudus sutor domi sedet totos dies.
  5. neque iam quo pacto celem erilis filiae
  6. probrum, propinqua partitudo cui appetit,
  7. queo comminisci; neque quicquam meliust mihi,
  8. ut opinor, quam ex me ut unam faciam litteram
  9. longam, meum laqueo collum quando obstrinxero.
Evcl.
  1. Nunc defaecato demum animo egredior domo,