Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Quin rem actutum edisseris? cupio malum nanciscier.
Leon.
  1. Placide ergo unum quidquid rogita, ut adquiescam. non vides
  2. me ex cursura anhelitum etiam ducere?
Lib.
  1. Age, age, mansero
  2. tuo arbitratu, vel adeo usque dum peris.
Leon.
  1. Vbinam est erus?
Lib.
  1. Maior apud forumst, minor hic est intus.
Leon.
  1. Iam satis est mihi.
Lib.
  1. Túm igitur tu dives es factus?
Leon.
  1. Mitte ridicularia.
Lib.
  1. Mitto. --- istuc quod adfers aures exspectant meae.
Le.
  1. Animum adverte, ut aeque mecum haéc scias.
Li.
  1. Taceo.
Le.
  1. Beas.
  2. meministin asinos Arcadicos mercatori Pellaeo
  3. nostrum vendere atriensem?
Lib.
  1. Memini. quid tum postea?
Leon.
  1. Em ergo is argentum huc remisit, quod daretur Saureae
  2. pró asinis. adulescens venit modo, qui id argentum attulit.
Lib.
  1. Vbi is homost?