Amphitruo

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. plurimum credo et scio istaec facta proinde ut proloquor.
Am.
  1. Tun me heri advenisse dicis?
Al.
  1. Tun te abiisse hodie hinc negas?
Amph.
  1. Nego enim vero, et me advenire nunc primum aio ad te domum.
Alc.
  1. Obsecro, etiamne hoc negabis, te auream pateram mihi
  2. dédisse dono hodié, qua te illi donatum esse dixeras?
Amph.
  1. Neque edepol dedi neque dixi; verum ita animatus fui
  2. itaque nunc sum, ut ea te patera donem. sed quis istúc tibi
  3. dixit?
Alc.
  1. Ego equidem ex te audivi et ex tua accepi manu
  2. pateram.
Amph.
  1. Mane, mane, obsecro te. nimis demiror, Sosia,
  2. qui illaec illic me donatum esse aurea patera sciat,
  3. nisi tu dudum hanc convenisti et narravisti haec omnia.
Sos.
  1. Neque edepol ego dixi neque istam vidi nisi tecum simul.
Am.
  1. Quid hoc sit hominis?
Al.
  1. Vin proferri pateram?
Am.
  1. Proferri volo.
Alc.
  1. Fiat. heus tu, Thessala, intus pateram proferto foras,
  2. qua hódie meus vir donavit me.