Alethia

Victor, Claudius Marius

Victor, Claudius Marius. Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. certum habeo, munus sacrum explorasse parentes
  2. cuncta alacres oculis permensos, sed prius auro
  3. admouisse manus diti, quod fulmine mentes
  4. iam ferit et cari subigit fulgore ueneni
  5. nec satiat, donec mirantes pondere multo
  6. uincat et elapsum durae ceu murice cautis
  7. uulneret ac facilem uitiato corpore plagam
  8. posse pati doceat. subiit noua cura repente
  9. attonitos acuitque animos casumque magistrum
  10. admonet arte sequi. duri tunc pondere saxi
  11. alternis caedunt uicibus flectuntque trahuntque
    12. [*]( 127] Uerg. Aen. III, 579 sq. Aetnam .. ruptis .. caminis. 123 corusicat (i eras.) 126 mollem G molem 127 gleba caleps 128 sulphora 132 cursus ego currus 135 temuere (i supra e pr. mz) sequuntur 137 sequuta 138 cesisse (ss supra s pr. m3) parenti (ti ex corr. vi2, fuit u?) 139 igenem (e pr. exp.) 141 explorasse ego explorare 142 alacris* (e supra i m3; m ut uidetur eras.) pri (spatium duarum litterarum; pri\' mx) 143 fulmine (u ex 1) mentis 146 ceu ego se 149 Attonitus (o supra u m3) magistru (u m2 in ras., fuit is ?) 151 caedunt ego cedunt trahuntque ego trauoque )
    390
  12. in uarias species cedentem ad uerbera massam.
  13. quam nullus formare labor, sed uicta figuram
  14. ocius hinc perdit, magnis quod nisibus inpar
  15. materies recipit studium, sed decipit usum.
  16. durius ergo aliud quaerunt; sed et hinc placet aurum,
  17. utile quod rigidum docuit magis esse metallum.
  18. inde, cui propior decor est et uena secunda,
  19. itur in argentum, blando quod firmius auro
  20. officium magis est patiens. sed fortius aes est,