Chronica

sed idem uanissimus et plus iusto infIatior profanarum rerum scientia : quin et magicas artes ab adolescentia eum exercuisse creditum est. is ubi doctrinam exitiabilem aggressus est, multos nobilium pluresque populares auctoritate persuadendi et arte blandiendi allicuit in societatem.

ad hoc mulieres nouarum rerum cupidae, fluxa fide et ad omnia curioso ingenio, [*](1 is nos: si P, etiam b 4 petruooriis P, Petrocoris b 7 Lucifero coni. de Prato, at вi quid mutandum, malim cum Baronio Lucifer tam Antiochiae agens 9 eos uel P: eos b 11 frigia P 17 atq. Aegyptua scripsi : at aegyptos P, ab Aegyptiis b; cf Tac. Ann. 15, 44 18 init\' i. e. initus P 19 memphis P, cm. Galesinius 21 Elpidius de Prato 23 felix - prauo P in litura habet, Bed 1 m. scripta. ) [*]( 7* )

iamque paulatim perfidiae istius tabes pleraque Нispaniae peruaserat, quin et nonnulli episcoporum deprauati, inter quos Instantius et Saluianus Priscillianum non solum consensione, sed sub

quadam etiam coniuratione susceperant, quoad Hyginus, episcopus Cordubensis, ex uicino agens, comperta ad Y dacium Emeritae sacerdotem referret.

is uero sine modo et ultra quam oportuit Instantium sociosque eius lacessens, facem quandam nascenti incendio subdidit, ut exasperauerit malos potius quam compresserit.

Igitur post multa inter eos nec digna memoratu certamina apud Caesaraugustam synodus congregatur, cui tum etiam Aquitani episcopi interfuere.