Chronica

ita cum Ioachim, exactis in regno annis undecim, filio eiusdem nominis locum fecisset isque regis Babylonii in se iram concitasset, Deo nimirum agente, cui constitutum erat Iudaeam gentem captiuitati et internecioni dare, Nabuchodonosor Hierosolymam cum exercitu ingressus urbem murosque ac templum solo strauit: auri inmensum modum et sacra ornamenta uel publica uel privata, puberesque omnes uirilis ac muliebris sexus transtulit, relictis, quorum imbecillitas aut aetas fastidio uictoribus fuit. quae turba inutilis seruitio exercendis colendisque agris, ne incultum esset solum, deputata.

eisdemque rex Sedechias praepositus, ademptis uiribus inani tantum umbra regii nominis concessa. sed Ioachim tribus mensibus tempus imperii habuit.

is cum populo Babylonam translatus et in carcerem coniectus: trigesimum post annum emissus atque a rege in amicitiam receptus mensaque et consiliis participatus, non sine solacio depulsae calamitatis decessit. [*]( 2 IV Reg. 23. 11 IV Reg. 24. 21 IV Reg. 25. ) [*]( 1 adeptus b 2 impięta.te P 3 uictum de Prato coll. Ezech. 19, 2 sq., item Vonck 5 Eliachim Pb, em. de Prato 6 Joachis Pb, em. Vorstius cf. II, 1, 2 (Joacim Sigonius) II ioachae frater iosiae fllios P, ut coni. Drusius: Joachae fratris Josiae f. b 9 babilonius P 11 ba- bilbnam P 12 Joachis Pb, itern infra u. 23. 13 eiusdem nominis] cf. de Prato 15 internetioni P II hierusolimam P 17 uel-uel] sic P, non et—et, ut ait de Prato 18 mulieris P 20 agris b: om. P, fort. eIereendis agris colendisque II incultu P 21 Sedecias Drusius cum LXX ∑εδεxlας 24 babiloham P II coniectus eat b II tricesimum septimum Sigonius, cf. IV Eeg. 25, 27 26 solatio Pb )

Interea Sedechias rex turbae inutilis, quamquam sine uiribus, infido ingenio et Dei immemor, qui non intellegeret captiuitatem ob delicta gentis illatam, postremis denique malis debitus, regis animum offendit. ita ei post nouem annos Nabuchodonosor bellum intulit, compulsumque intra muros confugere triennio obsedit.

qua tempestate Hieremiam prophetam, qui iam saepius imminere urbi captiuitatem pronuntiauerat, consulit, si quid spei forsitan superesset. sed ille caelestis irae non ignarus, eadem saepius interrogatus, respondit, ipsi regi specialem poenam denuntians.

tum uero Sedechias in iram excitatus trudi prophetam in carcerem iubet: moxque eum crudelis facti piguit, sed obsistentibus Iudaeorum principibus, quibus iam inde a principio moris fuerat bonos premere, absoluere innocentem non- ausus.