De Verbi Incarnatione

Sedulius

Sedulius. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. fundit humo facilem uictum iustissima tellus
  2. prouentuque onerat sulcos atque horrea uincit.
  3. floret ager, spumat plenis uindemia labris,
  4. exuperant fetus ramos | frondentis oliuae,
  5. quotque in flore nouo pomis se fertilis arbor
  6. induerit, totidem autumno matura tenebit.
  7. non liquidi gregibus fontes, non gramina derunt,
  8. et quantum longis carpent armenta diebus,
  9. exigua tantum gelidus ros nocte reponit.
  10. haec sunt, quae nostra deceat uos uoce moneri.
  11. uiuite felices I et condita mente tenete.\'