Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- frigidum venis resumptis pidverem tepescere,
- ossa, nervos, et medullas glutino cutis tegi.
- post, ut occasum resolvit vitae et hominem reddidit,
- arduum tribunal alti victor ascendit Patris,
- inclytam caelo reportans passionis gloriam.
- macte iudex mortuorum, macte rex viventium,
- dexter in parentis arce qui cluis virtutibus,
- omnium venturus inde iustus ultor criminum.
- te senes et te iuventus, parvulorum te chorus,
- turba matrum virginumque, simplices puellulae,
- voce concordes pudicis perstrepant concentibus.
- fluminum lapsus et undae, litorum crepidines,
- imber, aestus, nix, pruina, silva et aura, nox, dies
- omnibus te concelebrent saeculorum saeculis.
p.84
- Deus, ignee fons animarum,
- duo qui socians elementa,
- vivum simul ac moribundum,
- hominem, Pater, effigiasti,
- tua sunt, tua, rector, utraque,
- tibi copula iungitur horum,