Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- Moses tremendi fidus interpres throni
- potuit videre, quam decem recursibus
- quater volutis sol peragrans sidera
- omni carentem cerneret substantia.
- victus precanti solus in lacrimis fuit;
- nam flendo pernox inrigatum pulverem
- humi madentis ore pressit cernuo,
- donec loquentis voce praestrictus Dei
- expavit ignem non ferendum visibus.
- Iohannis huius artis haud minus potens
- Dei perennis praecucurrit Filium,
- curvos viarum qui retorsit tramites,