Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. plebs dirae Babylonis ac tyrannus
  2. morti subdiderant, feris dicarant
  3. saevis protinus haustibus vorandum.
  4. o semper pietas fidesque tuta!
  5. lambunt indomiti virum leones,
  6. intactumque Dei tremunt alumnum.
  7. adstant comminus et iubas reponunt,
  8. mansuescit rabies, fameque blanda
  9. praedam rictibus ambit incruentis.
  10. sed cum tenderet ad superna palmas
  11. expertumque sibi Deum rogaret
  12. clausus iugiter indigensque victus,
  13. iussus nuntius advolare terris,
  14. qui pastum famulo daret probato,
  15. raptim desilit obsequente mundo.
  16. cernit forte procul dapes inemptas,
  17. quas messoribus Ambacum 1 propheta
  18. agresti bonus exhibebat arte.
  19. huius caesarie manu prehensa,
  20. plenis, sicut erat, gravem canistris