Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. oris opus, vigor igneolus
  2. non moritur, quia flante Deo
  3. conpositus superoque fluens '
  4. de solio patris artificis
  5. vim liquidae rationis habet.
  6. viscera mortua quin etiam
  7. post obitum reparare datur,
  8. eque suis iterum tumulis
  9. prisca renascitur effigies,
  10. pulvereo coeunte situ.
  11. credo equidem, neque vana fides,
  12. corpora vivere more animae;
  13. nam modo corporeum memini
  14. de Phlegethonte gradu facili
  15. ad superos remeasse Deum.
  16. spes eadem mea membra manet,
  17. quae redolentia funereo
  18. iussa quiescere sarcophago,
  19. dux parili redivivus humo
  20. ignea Christus ad astra vocat.