Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. quis iste tantus inquiunt
  2. ‘regnator astris imperans,
  3. quem sic tremunt caelestia,
  4. cui lux et aethra inserviunt?
  5. inlustre quiddam cernimus,
  6. quod nesciat finem pati,
  7. sublime, celsum, interminum,
  8. antiquius caelo et chao.
  9. hic ille rex est gentium
  10. populique rex Iudaici,
  11. promissus Abrahae patri
  12. eiusque in aevum semini.
  13. aequanda nam stellis sua
  14. cognovit olim germina
  15. primus sator credentium,
  16. nati inmolator unici.