Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- conpactaque dissociari,
- et dissona texta retexi.
- hanc tu, Deus optime, mortem
- famulis abolere paratus,
- iter inviolabile monstras,
- quo perdita membra resurgant,
- ut, dum generosa caducis,
- ceu carcere clausa, ligantur,
- pars illa potentior extet,
- quae germen ab aethere traxit.
- si ferrea forte voluntas
- luteum sapit et grave captat,
- animus quoque pondere victus
- sequitur sua membra deorsum.