Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- nunc suscipe, terra, fovendum,
- gremioque hunc concipe molli:
- hominis tibi membra sequestro,
- generosa et fragmina credo.
- animae fuit haec domus olim
- factoris 1 ab ore creatae;
- fervens habitavit in istis
- Sapientia principe Christo.
- tu depositum tege corpus;
- non inmemor ille requiret
- sua munera fictor et auctor
- propriique aenigmata vultus.