Liber Peristephanon

Prudentius

Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).

  1. tormentis dare prosperante Christo,
  2. dulces hendecasyllabos revolvens.
    3. p.214
  1. Insignem meriti virum
  2. Quirinum, placitum Deo,
  3. urbis moenia Sisciae
  4. concessum sibi martyrem
  5. conplexu patrio fovent.
  6. hic sub Galerio duce,
  7. qui tunc Illyricos sinus
  8. urgebat dicionibus,
  9. fertur catholicam fidem
  10. inlustrasse per exitum.
  11. non illum gladii rigor,
  12. non incendia, non ferae
  13. crudeli interitu necant,
  14. sed lymphis fluvialibus
  15. gurges, dum rapit, abluit.
  16. nil refert vitreo aequore
  17. an de flumine sanguinis
  18. tinguat passio martyrem;