Liber Peristephanon

Prudentius

Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).

  1. primum sed Agnes hunc habuit gradum
  2. caelestis aulae, mox alius datur
  3. ascensus; iram nam furor incitat
  4. hostis cruenti: vincor, ait gemens,
  5. ‘i, stringe ferrum, miles, et exere
    6. p.342
  6. praecepta summi regia principis.’
  7. ut vidit Agnes stare trucem virum
  8. mucrone nudo, laetior haec ait:
  9. ‘exulto talis quod potius venit
  10. vesanus, atrox, turbidus armiger,
  11. quam si veniret languidus ac tener
  12. mollisque ephebus tinctus aromate,
  13. qui me pudoris funere perderet.
  14. hic, hic amator iam, fateor, placet:
  15. ibo inruentis gressibus obviam,
  16. nec demorabor vota calentia:
  17. ferrum in papillas omne recepero
  18. pectusque ad imum vim gladii traham.
  19. sic nupta Christo transiliam poli
  20. omnes tenebras aethere celsior.