De Vita Sancti Martini

Paulinus Petricordiae

Paulinus Petricordiae. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. alliciens sociam sanctis praeceperat esse
  2. uirginibus, thalami uel carnis iura remittens.
  3. uerum ubi lasciuum rursum rediuiua uoluptas
  4. occoepit stimulare animum penitusque medullis
  5. indere contempti mortalia gaudia saecli,
  6. uix praelibatum cupiens laxare rigorem
  7. rursus in amplexus nuptorum et uota recurrens
  8. post monachi titulos nomen renouare mariti,
  9. quin et doctorem crebro pulsare tumultu
  10. adgreditur, tales precibus miscendo querellas:
  11. \'si mihi coniugii Christus solacia praestat,
  12. dignatus thalamis diuersum adnectere sexum,
  13. quis rapiet mihi dona dei? quis iure nouello
  14. audebit priscam domini conuellere legem?\'
  15. talia praecipiti frangentem murmura sensu
  16. mitius adgreditur sancti medicina patroni:
    17. [*]( 593] cf. 418. 594-639] Sulp. Sev. Dial. II, 11. 606] cf. 520. 616] cf. II, 700. )[*]( 592 adque P reddet v 594 dantis v docilllenta PF1 595 attenti PS 586 neclecta P: neglecta SV cod. lureti liomiii V neglecto hoc nomine ademptus v 597 clasica P 598 lllallnerat Pc U credere Barth 599 uixilla PF1 603 laseium V 604 lioccocpit P o cod. Iureti hoccepit V hunc coepit S 605 mortalia secula cod. lureti, unde mortalia saecula. mnlldi v 607 rursus] ausus Barth 608 reuocare v 610 aggreditur S querillas P querillas V1 querelas V2 querelarj Sv 611 solatia S 612 sensum v 613 rapiat S mihi om. V 615 murmure o sensum PVlv 616 aggreditur S )
    105
  17. \'dic age, praeteritae recolis si tempora uitae,
  18. an conlata acie saeuo conflixeris hosti.
  19. quod quia percrebro factum reminisceris, idem
  20. respice, num lituos inter uel classica belli