De Vita Sancti Martini

Paulinus Petricordiae

Paulinus Petricordiae. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. illi perpetua gaudentes luce fruuntur,
  2. nos chaos aeterna horrendum caligine sepsit.
  3. longe est a meritis lucis confusio noctis.\'
  4. haec uox multorum late peruenit ad aures,
  5. sed species soli Martino est prodita, cuius
  6. mens leuior fragilis transibat pondera carnis,
  7. corpoream molem transmittens lumine cordis.
  8. protinus amoto altari depellitur omnis
    9. [*]( 180 properant P 181 attestata S 182 moles S sepulcheri P 183 frigentis R 184 praeces P 185 tumulos Rl et RP: ad Sr 186 dominum R (Barth): domino PSv praecatus P 188 leuarn P 189 quae R: quem P quam S 190 facta PSl 193 expraessit P quaerillis RlP querillis R2 querelis S 196 satis S: scis (i. e. sanctis) RP 197 huic v honus RP duplicatum Sv (duplicato aduerbium est) 198 adque Rl iure** (re eras.) R 199 tenues v gutta S: guttas RPv 206 firagilis P: om. R )
    43
  9. uana superstitio ritus mentita sacrorum.
  10. translata ad ueros migrant mysteria cultus.
  11. quid simile his titulis tandem conferre ualebit
  12. ars magicis infecta dolis uel tincta uenenis,
  13. carmina conpositis texens mendacia uerbis
  14. extaque perspectis rimans faetentia uenis,
  15. ut per tartareae quaesita silentia noctis
  16. mugiat insanus fallaci murmure daemon,
  17. adsumens fictum tenui sub imagine uultum?
  18. hic certe simplex animus et sola precantis
  19. religio infernae dissoluit uincula legis,
  20. et quamvis artus premerentur mole sepulchri,